Recent Updates

保你大: 買保險一定要驗身?

Feb 1, 2012 , Posted by Diamond Recruit at 2:57 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

買保險一定要驗身?


上次龍哥替我買了一份高儲蓄的人壽保險之後,我和他談了很多關於保險背後的理念,也談到有錢人為甚麼要買保險,他對我的專業知識和服務態度很欣賞,所以,很快他就介紹了一位朋友給我。


龍哥這位朋友大概40歲,是他以前的伙記,叫做阿成。據龍哥提供的資料,他大概一年前結婚,最近知道太太有喜,自覺責任重大,所以才意識到要買保險,自障自己的親人。在此之前,他從未買過保險,其中一個原因是怕驗身,背後原來是怕拮針抽血!

這天我約了他來芳姐的茶餐廳談保險,當我大致瞭解過他的收入和負擔等情況後,初步估計他大約要買500萬港元保額的保險後,他便煞有介事地問我一個
問題:

「森哥,我想問吓,買保險係咪一定要驗身 ,唔驗得唔得 ?!」阿成帶點靦腆地問。由於我已經知道他背後的原因,所以,我也不覺得奇怪。

「哦,成哥,你唔使擔心,只要身體狀況冇問題,買保險唔一定要驗身嘅!」聽到我這樣說,阿成稍為寛容了一點,臉上不再繃緊著。

「嗯,我身體好好

「如果係咁,以你呢個保額計,可以唔使驗身!」阿成聽到我這樣說,有如釋重負的感覺。

「真嘅?咁其實你哋係點計數嘅呢?」

「哦,係咁嘅,一個客人使唔使驗身,主要取決於兩樣嘢,就係年紀同埋投保額。好明顯,年紀愈大,又或者買嘅保額愈大,就愈有機會要驗身。不過,如果再準確一啲,其實你同邊個買,你嘅免體檢額度都可能唔同?」

「咁有趣?你既意思係,我同資深啲嘅保險顧問買,免體檢嘅額度可以高啲?」

「對呀!你要明白一樣嘢,從我哋公司嘅角度,前線嘅保險顧問,其實都算係一個核保人員,判別接受某位人士投保嘅風險有幾高,因為我哋係第一身接觸個客,佢表面嘅身體狀況理論上我哋會更掌握,反而後勤嘅核保同事,佢哋只係透過文字瞭解投保人嘅情況。所以,公司內部會因應每位保險顧問嘅經驗、成績,同埋索償紀錄去俾多一個額度俾每一位保險顧問,等佢哋可以做大啲生
意!」

「哦,我明白嘞,你嘅意思係,如果我幫襯嗰位保險顧問嘅額度高啲,咁樣,從未入過醫院!」


免體檢嘅額就會多啲!如果係咁,咁森哥你?」一聽到阿成這樣說,我已經明白他的意思。

「成哥,你放心,我嘅年資、成績同埋過去嘅索償紀錄都唔錯,所以,我幫客做到嘅免體檢額係最高 喇!」

「咁就好嘞,咦,咁我有興趣知道我到咗幾多歲,免體檢額先會降低呀?」

「哦,間間公司都可能有啲唔同,我哋公司以45歲做一個分界線,45歲前如果買75萬美金嘅人壽,只要客人身體狀況冇問題,客人係唔使驗身嘅。」

「哦,我依家只係41歲,即係仲有幾年可以買盡個免體檢額?!」阿成帶點興奮地說。









讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment