Recent Updates

保你大: 保證現金價值是終極比較

Dec 9, 2011 , Posted by Diamond Recruit at 4:22 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

保證現金價值是終極比較


上次提到,茶餐廳伙記阿蘇的同鄉龍哥,好想比較不同保險計劃的回報,以決定選擇哪一間公司的產品,甚至哪一種計劃。


我告訴他,投資上較專業的計算方法是找出不同產品的IRR,即內部回報率。龍哥一面聽,一面念念有詞,真的好像計數一樣,但我想不到他竟然有興趣自己計,真的令我佩服不已。

「龍哥,你真係有學習精神。不過,IRR嘅計法有啲複雜,我哋都要用財務計數機去計。我認為,呢方面你不如請教一啲理財顧問啦!」我剛說完,龍哥就搶著說。

「你咪係理財顧問囉?!」

「對呀,如果你有一啲具體計劃,我可以幫你計 !」想不到龍哥真的早有準備,馬上從背包中取出兩份建議書。

「森哥,呢兩份係我喺銀行嘅客戶經理幫我設計嘅儲蓄計劃。佢同我講,第一份我只要一筆過俾100萬入嚟,第二年開始就會派保證現金同紅利,而15年後嘅總回報係192%,而第二份就分5年俾100萬,每年20萬,第5年開始會有保證現金同紅利派,同樣係15年嘅總回報,呢份就有220%,咁係咪第二份嘅回報高啲呢?」

「好難講咕喎,龍哥,你第一份係一筆過投入,而第二份就分5年俾,但第一份好早就有錢攞,但每年攞嘅錢少啲;第二份要5年後先有錢攞,但每年攞嘅錢就多啲。如果用220%『總回報』去比較,表面係第二份嘅回報高啲,但實際係咪仲要計過先!」當阿蘇還有點摸不著頭腦的時候,龍哥彷彿已經明白我的意思。

「哦,森哥,我明嘞,由於呢兩份計劃俾錢同攞錢嘅安排都有啲唔同,所以,單用『總回報』去計,可能會有誤導,所以,最好仲係用你講嘅IRR去比較,嗯,你可唔可以幫我計吓呢?」

「冇問題!」我連忙從公事包中取出財務計算機。經過一輪運算,原來,該兩個計劃的回報確實很接近。

「龍哥,嗱,計完嘞,喺第15年嘅時候,第一份嘅IRR係4.6%;而第二份就係4.65%,即係話,你投入喺呢兩份計劃嘅一分一毫,每年嘅回報大約都係4厘幾左右。」聽到我這樣說,龍哥仍然有點迷惘。

「但係,森哥,咁我都係唔識揀喎,因為兩份嘅回報原來咁接近!」


「由於呢兩份計劃都係15年期,所以,如果佢哋嘅IRR係咁接近嘅話,仲可以比較一樣嘢,就係邊份嘅保證現金會多一啲!」

「你嘅意思係…….」

「嗱,你可以逐年比較佢哋既保證現金價值,睇吓整體嚟講,邊份嘅保證現金價值會高啲。總之,愈早攞到愈多回報就對你著數啲!點解呢?因為呢類計劃嘅回報通常係分保證同非保證,或者叫固定同浮動兩部分,浮動嘅部分始終係估計數字,所以,用嚟比較未必有意思,但保證嘅現金價值就係保險公司承諾,到某一年就會派呢個數目,如果某份計劃嘅保證現金價值可以愈早派俾客人,即係話,萬一客人要提早取攞番佢嘅儲蓄,佢能夠落袋嘅錢都會多啲,呢一點都幾重要 。又或者,從另一個角度講,保險公司願意早一啲俾回報你…..」聽到我這樣說,龍哥好像已經有了決定。









讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment