Recent Updates

保你大: 保險公司怎投資?

Nov 14, 2011 , Posted by Diamond Recruit at 11:16 AM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

保險公司怎投資?


經過我連番講解,茶餐廳老闆娘芳姐和她的姨甥仔阿東,對於危疾保險的運作,以及危疾保障的新趨勢,終於有了基本認識。其實,除了危疾保險近期大受歡迎外,在利率低企的年代,始終有一些客戶是想以儲蓄為首要考慮,能有保障固然好,少一點其實也無妨。


今日茶餐廳伙記阿蘇call我,說要介紹一位退休人士給我認識,因為他想瞭解一下保險公司有沒有一些以儲蓄為主的保險計劃。我一走進茶餐廳,就看到阿蘇和一位中年男士在傾談,他看到我之後馬上示意我過去。

「阿蘇,呢位係?」

「嗯,森哥,我嚟介紹,呢位係我嘅同鄉龍哥,佢之前係做製衣生意嘅,老闆嚟 。但你知啦,呢幾年製衣愈嚟愈難做,所以今年中佢正式結束咗盤生意。
你睇到 啦,佢其實都好後生 咋,但係就話不如提早退休喎。依家佢哋兩公婆攞住筆錢,咪想諗吓可以點分配,用嚟慢慢搣,過埋下半世囉。佢聽我講,有位茶客兼老友係呢方面嘅專家,就話好想認識吓,所以我咪賣個順水人情,約你出嚟囉。」阿蘇雖然平日喜歡挑戰我的專業知識,但其實,心底裏都頗尊重我,實在令我喜出望外。

「阿蘇,過獎嘞,大家探討吓囉!龍哥,唔知你想瞭解邊方面嘅話題呢?」

「森哥,正如阿蘇所講,我同太太呢幾個月都喺度瞭解緊,究竟保險公司嘅產品啱唔啱我哋呢類退休人士!」我從事這一行很多年,但很少客人是會主動去瞭解保險公司的產品,這位龍哥是少數之一。

「哦,我哋保險公司都有好多產品嘅,我相信梗有一啲啱你嘅需要,例如一啲年金類嘅產品,我諗就最啱你哋呢類退休人士嘞……」不待我說完,龍哥就想馬上回應我。

「森哥,我都知你哋有啲年金類嘅產品,但係我想有少少保障成份,因為我同太太嘅年紀差唔多,早年我哋買咗好少人壽,依家想將筆錢買番份高儲蓄成份嘅人壽,萬一我哋任何一方走先,另一方都可以多一筆人壽保障,銀碼未必需要好大。如果大家都比較長命,我又希望份保險可以儲到多啲錢,作為自己同太太最後一度防禦網!」原來龍哥已經有自己一套想法。

「冇問題,我哋公司都有好多高儲蓄成分嘅保險……」同樣未待我說完,龍哥又想介入。

「森哥,我已經研究咗一輪,而家反而有一啲問題想請教。」龍哥果然是老闆級人物,做起事來總是說一就不會二。


「唔好客氣,有問題即管提出嚟,我哋咪當傾偈討論一下囉!」

「係呢,我知道,我哋買你哋啲計劃,所謂嘅回報,其實主要來自保單分紅,咁其實,啲分紅係點嚟嘅呢?」

「哦,係咁嘅,每個有紅利派送嘅保險計劃,每年嘅分紅多少,最主要取決於四個因素,第一就係呢個計劃全年嘅賠償額、第二就係退保情況、第三係行政開支,而第四就係投資收益。」

「咦,我有興趣知道,保險公司嘅所謂投資,其實主要買啲咩嘅呢?」

「哦,你放心,保險公司嘅投資,一般都係好保守嘅;保險公司大部分都係攞客戶啲錢去買債券之類既保守投資,或者一啲好穩陣嘅基建項目等等,所以,理論上,回報都幾穩定。不過,除咗債券之外。保險公司有時都會買一啲股票,但比例一般好低。」

「咦,保險公司都會投資股票嘅咩?!」龍哥對於這一點似乎很有興趣。









讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment