Recent Updates

保你大: 血癌治療 藥費花掉45萬

Oct 24, 2011 , Posted by Diamond Recruit at 5:16 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

血癌治療 藥費花掉45萬


茶餐廳老闆娘芳姐和她的姨甥仔阿東,本身對危疾保險已經有興趣,聽完我的講解,尤其是核保方面的一些基本原則之後,更加有信心了。但原來,阿東特別重視危疾保險,背後還有一個故事。


「森哥,實不相瞞,我除咗家人有過危疾經歴外,仲有一位好朋友兩年前患上血癌,而佢整個治療過程,我都有份參與,所以我嘅感受好深!」

「嗯,你嘅好朋友?咁年紀一定好輕嘞!」

「係呀!佢病發嗰陣,只有33歲,病發前佢身體都好健康,好少病痛。點知惡運一嚟,就咁大劑!」

「咁……!佢而家嘅情況點呀?」芳姐對阿東這個經歴似乎很有興趣。

「哦,託賴,佢而家已經好番,不過,我都認為,佢其實係唔好彩之中嘅好彩,如果唔係仲弊!」

「咦,咁呀,快啲講嚟聽啦!」芳姐追著問。

「我呢個朋友喺兩年前突然患咗血癌,情況都幾嚴重,醫生話要換骨髓先至可以保命,但係要遇到適合捐骨髓嘅人都唔係咁易!」

「咁最後有冇得換呀?」芳姐問。

「開頭冇 ,佢都打定輸數,當時有兩個選擇,一個係去台灣換,另一個係去美國換。如果去台灣,大概要十幾萬;但如果去美國換,就要30幾萬!但到咗最後關頭,啱啱有位親戚嘅骨髓同佢吻合,又願意捐,所以佢可以喺番香港造手術!」

「哦,咁好彩呀!」

「係呀,佢嘅手術喺政府醫院做,所以仲唔使錢添!」聽到阿東這樣說,芳姐有點驚訝。

「吓,咁好呀,咦,如果係咁,其實我哋唔一定要買危疾保險啫!」

「咁你就有所不知嘞!」阿東馬上回應。

「姨媽,雖然佢換骨髓嘅手術係唔使錢,但係佢之前曾經做化療,嗰啲化療針係特效藥,政府醫院唔包 !」芳姐聽罷,有點愕然。


「係咩?好貴 ?!」

「係呀,佢一共打咗15個月,每個月要二萬八千蚊呀,除此之外,做完化療之後,仲要打一啲『升白針』(提升白血球的針),每支五千蚊,總共要6支;佢淨係呢兩筆藥費,就用咗45萬!」

「嘩,雖然政府醫院已經幫咗好多,但估唔到藥費可以咁貴!」

「係呀,我都有啲客遇到類似情況!所以,有時我啲客話,有大件事咪幫襯政府醫院囉,其實佢哋唔知,而家好多新藥都係要病人自付 !」我也爭取機會灌輸芳姐更強的保障意識。

「咦,森哥,聽你咁講,如果我哋淨係買住院醫療,都未必有得賠喎!」不待我說,阿東已經搶著替我回應。

「姨媽,我個朋友就係冇買危疾,佢只係買住院醫療同住院現金,點知嗰次就好慘,最終自己都要俾咗幾十萬!其實,好大筆錢都係屋企人夾份籌俾佢
咋。」

「冇錯呀,如果只買住院醫療,一旦患上重病,有時候,好多開支都未必可以賠到 。仲有呀,如果有重病,一定會影響到工作同屋企人,所以,如果有一筆額外嘅後備現金,就可以將患病嘅影響減到最低囉!」聽到我這個總結式的回應,芳姐和阿東都點頭表示同意。







讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment