Recent Updates

保你大: 保障自己就是保障家人!

Aug 30, 2011 , Posted by Diamond Recruit at 11:24 AM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

保障自己就是保障家人!


話說茶餐廳老闆娘芳姐介紹了一位姨甥仔阿東給我識,他剛出來社會做事,但保險意識已經很強,想知道年輕人第一份保險應該買甚麼?

如果市場上多幾個阿東這類年輕人,我們就不愁生意了!但現實歸現實,會主動買保險的人畢竟有限,所以,每次我遇到這類保險意識特別強的準客戶時,我都特別落力,因為我很想他們成為我們行業的「代言人」,向更多人解說保險的重要性。

我向阿東指出,需要人壽保障的人,主要是有很多責任未完成,例如有供樓物業、有未成年的子女等,所以,對於一些剛出來社會做事的年輕人,需要的不是人壽保障,而是危疾保障和意外保障,因為這些保險是生存保險的一種。

「係呀,傳統上,人壽保險係死亡保險,因為唔係保障自己,而係保障屋企人,自己都死咗,又點會攞到筆賠償呢!但危疾保障就唔同,其實主要係保障自己,萬一遇到重病,就有一筆錢去醫病,或者作為生活費,所以,有啲保險公司叫呢類保險做生存保險!」

「你話係保障自己,其實我認為,都係保障屋企人啫!」芳姐突然間有感而發,我即時想起她的丈夫早前中風,雖然現在已經穩定下來,但仍然要花很多錢來跟進治療!

「芳姐,妳係過來人,特別明白如果有屋企人患上重病,身為家庭一份子,無論身心同埋財政,都係一個沉重嘅負擔!冇事嗰陣,好多人都會同屋企人話,如果我有事,你哋都係唔好醫我嘞!但根據我嘅經驗,如果真係有親人患上重病,大多數情況都係,賣埋層樓都會去醫佢呀!」芳姐也點頭示意。

「你講得啱,唔經歴過真係唔知 ,所以,我成日都話,保障自己,其實就係保障屋企人,講得唔好聽,就係唔好連累屋企人!話時話嘞,森哥,我都好幫你啦,見到有朋友或親戚可能有呢方面嘅需要就介紹俾你。」芳姐果然豁達,三言兩語就抹掉不快的心情。這時,阿東好像有問題想發問。

「嗯,森哥,你話我哋年輕人,最需要既保險係危疾同意外,但點解你好似特別強調危疾,但就唔多提意外保險嘅?」

「阿東,你都好心水清喎!好,我講你知,主要因為意外保險同年紀,以及健康冇太大關係,所以,理論上幾時都可以買到;但危疾保險就唔同,因為佢係同年紀,以及健康有密切關係,所以,如果能夠嘅話,我認為應該趁年紀輕嘅時候買定,咁將來就有保障啦。」

「哦,原來係咁,咁後生啲買仲會平啲喇!」芳姐又幫我一把,於是我再補充一下。

「我仲可以講多啲俾你哋聽,如果從我哋核保既角度,意外保險係最簡單同埋最易買到嘅,因為佢只係以職業級別去評核風險,而唔係以健康或者年紀做準則;至於人壽、醫療同危疾三者比較,人壽又會比較易買到,你可以想像,要去到影響壽命嘅嘢,我哋先會比較嚴;至於醫療同危疾比較,又會以醫療較嚴,有啲情況下,買危疾可能會無條件受保,但醫療就可能有個別嘢不受保(Exclusions),所以,最好都係趁自己年輕,冇任何病歴嗰陣買定啲醫療同危疾,咁就冇後顧之憂啦!只不過,而家一般僱主都會提供醫療保險嘅福利,所以好多客都唔想買住,咁我哋咪主力建議客人早啲買定危疾囉!」他們兩人都似乎很認同我的解說。








讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment