Recent Updates

富有森得: 澳門概念長玩長有

Jul 25, 2011 , Posted by Diamond Recruit at 12:13 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

澳門概念長玩長有


一段時間沒有到過澳門,上周因公事到澳門跑了一趟。但一到澳門碼頭就發覺形勢不妙,因為整個碼頭都擠滿了旅客,看來這些都是旅行團。當然,大部分都是內地的旅行團。不過,當中也有一些亞洲團,至少我見到有韓國團。


放眼一看,幾乎所有入境櫃位都是辦理港人以外的外地遊客(主要是內地遊客)入境手續,而留給香港人的入境櫃位只有一個。結果,令到香港這條隊也打晒蛇餅。

原來,現在港人也可以用e道,但首次使用前要先登記,而登記的人也十分多,結果整個入境手續輪候了接近20分鐘,幾乎失了預算。其實,那一天只是周四時間,假如是周末的話,情況豈非更虛冚!?

這個景象令我想起早前我推介的美高梅中國(02282)。該股於6月初上市,招股價15.34元,除了上市首日有升幅外,第二天已經跌穿招股價,其後更跌足8日,最低曾見12.9元,但在這個水平見底回升,上周五收市價報17.18元,不但完全浮出水面,更比招股價升了12%。

回來之後,我打了個電話給阿Paul,即是那位熱衷波馬麻雀,間中更加會過大海賭兩手的客戶。當日他聽了我的建議,用100萬來認購美高梅,結果分了14,000股,我擔心他受不了股價下跌的壓力沽出了該股,那就太可惜了。

誰知,他不但沒有沽出美高梅,反而在13元左右多買了1萬股,這次的收穫可能比過大海賭兩手更好呢!

「阿Paul,我仲以為你會因為美高梅『潛水』而沽咗佢,估唔到你咁有信心增持,唔似你性格喎?!」我帶點取笑的口吻跟阿Paul說。

「森哥,唔好講笑啦,都係多得你介紹啫。冇錯呀,如果係以前,我一定沽咗佢架啦。但係,除咗聽你講之外,我真係有去澳門嘛,我見到自從金融海嘯之後,嚟澳門玩既人真係慢慢多番,以前就主要係香港人過澳門,而家當然係內地人啦,但其實,世界各地既遊客都好多,所以,我對賭業股都幾睇好。既然你話隻美高梅已經係濠賭股之中最抵既一隻,佢上市之後再跌,豈不是更加抵!?所以,我今次反其道而行,低位追多一注囉!」

「哦,原來係咁,你又真係幾醒喎!抵你賺錢既!不由你不信呀,雖然近期股市麻麻,到今日先明顯有啲反彈(上周五恒指升了458點),但其實,一眾濠賭股喺呢段期間都冇咩點跌,計埋今日,其實隻隻都升咗架!」。


「咦,森哥,咁你點睇濠賭股呢,係咪值得長(渣)呢?!」

「咁又唔好,始終濠賭股既最大風險就係政策風險,萬一阿爺不滿太多大陸人過澳門賭錢,出啲行政手段去打壓,咁濠賭股就會首當其衝架!我只可以話,呢一兩年澳門概念仍然好吃香,所以,個餅仲係一路大緊,幾年前有人擔心啲賭枱開得太多,可能有啲飽和,但睇嚟仲有幾年玩,甚至可以話長玩長有。」

「咁用咩嘢策略好呀?」

「濠賭股既股價上落都好大架,最好都係當股價下跌嗰陣收集,當股價有15%利潤嗰陣,就沽出一半獲利,其餘一半保留做中長綫!」聽完我的澳門之行後,阿Paul似乎對濠賭股更有信心。







讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment