Recent Updates

富有森得: 醫療保費冇保證?

Jul 7, 2011 , Posted by Diamond Recruit at 4:24 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

醫療保費冇保證?


我一口氣講解了市場上保障最全面的醫療保險給芳姐和她的伙記阿蘇聽之後,本來以為可以打蛇隨棍上,乘機向他們推銷一下,誰知阿蘇突然想起一件事,令到我的如意算盤要暫且打住。


「咦,森哥,咪住,我突然間醒起,我有個friend話俾我知,醫療保險既保費係唔保證既,即係話,除咗每年按歲數調高保費之外,仲會無端端加你幾個巴仙,咁咪好難預算?」阿蘇這一提,令到芳姐也驚覺起來。

「係呀,我都好似聽過,唔知係話因為通脹定係咩嘢理由,隔幾年又加一次,好似肉隨砧板上,任你話點就點咁喎,森哥,呢單嘢你點拆呀?」芳姐和阿蘇一唱一和,真係好有默契。

「芳姐,唔好話拆唔拆,我哋都係講道理啫!嗱,你哋都明白,醫療保險既保費,最主要係跟年齡調整既。但另一方面,醫療費用每年既加幅係高於通脹架,我想問下你哋嘞,假設係傳統既醫療保險,即係每個項目都有上限嗰種,今年你有張住院單要claim,結果有部分已經要自付既;到下年你又有張一模一樣既單要claim,但由於醫療費用加咗,張單貴咗一成,即係話,你要自付既錢又多咗一成,你會高興咩?」

「咁即係點呀,加價就有得賠呀?!」阿蘇不明所以。

「你都可以咁講,大部分情況下,如果保險公司要加醫療保險既保費,佢哋都會相應調高保障範圍或者索償金額。我記得,四、五年前我哋大房既房錢同膳食上限係600幾蚊,而家已經調高到700蚊多啲,主要咪係因應而家私家醫院既大房價錢變化囉!」

「你既意思係,保險公司加醫療保費,會同一時間調高保障額同保障範圍,令到我哋可以claim多啲?」芳姐認真地問。

「對呀,妳講起保障範圍,我醒起,近年好多手術咪可以喺診所度做既,所以,近年保險公司都會容許門診手術既索償;又或者,近年患癌症既人多咗,大家都知道,醫治癌症既主要方法係化療同電療,呢方面既開支可以好大,以前既醫療保險,呢方面既費用好多都係喺雜項裏面claim,但如果出咗院之後,喺門診度做仲冇得claim添,但為咗做得更好,依家部分保險公司已經開始將呢啲支出獨立成一個項目俾客人claim,但係冇調低原來雜項既索償上限,咁即係變相賠多咗啦!所以話,保險公司因應整體醫療費用上升而輕微調高保費,其實係正常情況,而且,好多時客人既得益仲大咗添!」

「你咁講都有道理既!」芳姐好像頗認同我的解釋。


「芳姐,不過,如果妳買我剛才講嗰種全保既醫療保險,喺賠償方面就一啲都唔使擔心啦!」我開始藉機「攝位」。

「森哥,冇問題,我會認真研究吓,如果真係咁好,我一於幫襯你,甚至叫多啲朋友幫你買,因為買醫療保險最重要係服務,如果冇人跟,就算平啲都冇用,因為自己有事嗰陣已經好慘,如果有人雪中送炭,真係好溫暖架!」芳姐有這種想法真是最好不過,也不枉我經常毫無保留地給她解說保險的原則。







讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment