Recent Updates

富有森得: 保險公司也要買「保險」

Jun 22, 2011 , Posted by Diamond Recruit at 4:08 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

保險公司也要買「保險」


芳姐茶餐廳的伙記阿蘇和老闆娘芳姐,聽到我說,市場上確實有一些「全保」
的醫療保險後,一方面感到很雀躍,但又即時想起,保險公司的風險豈非很
高!?



「芳姐,妳果然係生意人,對於投資風險同回報都特別敏感,好多嘢俾妳算過
都唔走得甩去邊!」雖然我這番話有點擦鞋的味道,但芳姐好像也照單全收。

「森哥,你把口真係瑯過油一樣,我估個個做得老闆既都會咁諗架喇,你快啲
講多啲內情我聽喇!」

「好,好,好,我依家講!妳講得冇錯,呢類計劃對保險公司既風險嚟講係會
高咗,因為市場上幾家推出呢類保險計劃既公司,都提供一個好高既每年索償
上限,例如100萬美金,甚至200萬美金咁,如果有幾個客嗰年真係做咗個大手
術,又或者住幾個月醫院,條數都幾襟計!」

「係囉,咁保險公司咪會俾人claim爆廠?!」

「咁妳又唔使擔心,我講你哋知一樣嘢喇,你知唔知,其實保險公司有時都會
買保險架?」

「吓,咁有趣?只有我哋向保險公司買保險既啫,保險公司唔通又向保險公司
買保險呀?」阿蘇用平常心去想這個問題,所以很難明白保險公司既做法。

「阿蘇,你講得冇錯呀,保險公司真係會同保險公司買保險架!」

「吓,我真係開口中呀?!」

「你哋有冇聽過再保險呀?」

「再保險?冇喎,係咩嘢嚟架?」由於牽涉保險的專業,這一回連芳姐都不清
楚了。

「哦,其實係咁既,市場上除咗有我哋呢類保險公司之外,其實仲有一種叫
『再保險』既公司,佢哋既客戶對象主要就係保險公司。有時如果接到一單好
大既保險申請,保險公司為咗分散風險,有時會將部分保額轉咗俾另一家從事
再保險業務既公司承保。」

「咦,咁本來間保險公司咪會賺少咗囉!」

「芳姐,錢係搵唔晒既,我哋保險呢行,最重要係穩陣,因為保險係好長遠既
生意,我哋寧願賺少啲,都唔會冒太大風險架!」


「哦,我明喇,你啱啱講呢種『全保』既醫療保險,因為風險比較高,所以你
哋都會搵其他保險公司一齊做。由於保費會比較高,所以分出去都仲有得賺
;而我哋又唔使擔心會冇得賠!」芳姐總是挑通眼眉。

「對呀,其實,銀行借錢出去都有類似做法架!芳姐,妳同銀行交過手,妳應
該聽過銀團貸款呢樣嘢啦!其實,點解要安排銀團貸款呢?背後原因同我哋保
險呢行其實差唔多,都係想分散風險。我哋多數都搵一間再保險公司,但如果
有特殊情況,都有可能搵多過一間再保險公司,咁咪等於由幾間保險公司去承
保一份保單,又或者一類保險囉!」

「森哥,聽你講得多,我都逐漸明白保險公司既運作,其實,有咁樣既安排,
我哋作為客戶既,又可以買到更合用既保險,其實真係幾唔錯喎!」芳姐似乎
對呢種醫療保險有興趣呢!







讀者如有任何保險問題,歡迎來電郵詢問。
作者電郵:lkslo@yahoo.com

編按:作者現為友邦分區經理
Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment