Recent Updates

富有森得: 買濠賭股不是豪賭

May 31, 2011 , Posted by Diamond Recruit at 4:39 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

買濠賭股不是豪賭


繼米蘭站(01150)之後,另一隻新股美高梅中國(02282)剛完成招股,認購反應也相當熱烈,共錄得約19倍超額認購,凍結資金逾238億元,成為今年第二大「凍資王」,僅次於米蘭站。


如果你問我,從新股認購的角度,認購美高梅中國,可能比米蘭站更划算,因為米蘭站雖然首日升幅高達六成半,但其實你要拿100萬才博到大約2,200元的利潤(用100萬去抽才可以穩獲一手2,000股,假設上市首日於2.77元的收市價沽出),利潤率只有0.22%!

但我估計,以100萬去抽美高梅,「衰衰地」也會分配到2,000股,即5手(以超額19倍推算分配基準),以最後定價15.34元計,稍為樂觀一點估計,首日上升兩成,這便等於可賺逾6,000元,值博率肯定高於米蘭站。而且,我相信,上市後的走勢,絕對不會「有頭威冇尾陣」!

由於我這一回是看好美高梅中國,所以主動建議客戶認購,其中一批對象當然是喜歡賭兩手的客戶,因為會更易接受「濠賭股」呢!其中一位是阿Paul。我跟阿Paul認識了很多年,他對於波馬麻雀都很熱衷,間中更加會過大海賭兩手。所以,當我建議他認購美高梅的時候,他也頗同意。

「森哥,你知嗎,當我每次喺澳門輸了錢之後,我就會諗,賭咩嘢呢,不如買番手『濠賭股』好過啦!」阿Paul笑著說。

「Paul哥,你講得冇錯呀,睇番啲數字就知,呢幾年無論環球經濟點動盪,澳門的賭業依然咁蓬勃。」

「係嘛,點蓬勃法呀?」阿Paul很有興趣想知。

「趁美高梅上市,我就攞本招股書研究吓啦,發覺過去6年,澳門既賭業,每年都增長,由2005年既457億港元,升到舊年既1,840億,每年既複合增長高達32%,你話有邊個行業可以咁勁吖?!」

「嘩,原來係咁,當中有啲都係我貢獻咕喎!」阿Paul說來有點無奈。
「Paul哥,我諗你都聽過,去賭錢嗰個唔贏錢,但開賭場嗰個就贏到開巷呢句說話啦。其實,我建議你不如少啲去澳門,將啲錢用嚟買『濠賭股』,贏面仲高啦!」

「我都有咁諗,但係始終冇的起心肝去做啫!」



「我講哦數字你聽,你可能會有更大決心呢!你知唔知,淨係計幾隻近年新上市既『濠賭股』(銀河娛樂(00027)是轉型為濠賭股不算),隻隻都升到開巷啦!先睇何生嗰隻澳博(00880),2008年上市,招股價3.08元,今日已經係18.7元;另一隻永利(01128),2009年上市,招股價10.08元,最新係27.25元;而金沙中國(01928)又係2009年上市,招股價10.38元,依家係20.8元呀,衰衰哋都一個開啦!雖然冇賭大細咁見效,但係就穩陣過賭大細喎!」

「聽你咁講,我係咪應該由美高梅開始呢!好,除咗入錢抽之後,一於將我啲賭本喺上市之後再買番啲看門口!」這回阿Paul好像認真了!

「係囉,我認為,買濠賭股絕對唔係『豪賭』喎!」







作者電郵:lkslo@yahoo.com

Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment