Recent Updates

富有森得: 認購米蘭站是一場遊戲!

May 31, 2011 , Posted by Diamond Recruit at 4:29 PM

Dennis Lo
資深投資編輯及投資專欄作家,擅長分析及品評中資股,曾擔任《香港經濟日報》旗下《投資理財周刊》執行編輯。2006年10月出版第一本財經專書《讓你富起來》,2009年5月出版另一本財經書《逆市淘金》。羅現職投資理財顧問,並取得註冊財務策劃師資格(CFP)。

認購米蘭站是一場遊戲!


近期整體市況可以用悶悶地來形容,但新股熱潮又再升溫,甚至可以用「瘋狂」來形容。單是一隻米蘭站(01150),超購就已逾2,000倍,更打破歷來最多「頭槌飛」新股的紀錄,成為小投資者茶餘飯後的話題。


我的客戶Lucy本身「名牌精」,一聽到米蘭站上市,就電郵電話齊到,查詢應該怎樣認購。她的第一個電話是米蘭站首日招股時,當時還未知超購會這麼厲
害。

「森哥,你睇米蘭站是否認購得過呢?呢家公司賣二手名牌手袋也賣到上市,應該相當不俗吧!」Lucy這樣問,我已經知道,她是已經決定要買了,來問我只是找人合理化她的決定。我知道不應該阻人發達的。

「Lucy小姐,你咁問得我,其實已經心裏有數啦!我只可以講,米蘭站確實有啲特色,至少市場上冇一家賣二手名牌袋既上市公司。但說到底,呢家公司的規模其實很細,而這類公司的入行門檻也很低,沒有任何技術可言。如果真的這樣好景,很快就有巴黎站、倫敦站,甚至紐約站公司搞出來啦!」聽到我這樣說,Lucy有點不是味兒。

「我只係抽新股,又唔係跟佢過人世,應該沒有問題吧!」

「對呀,如果妳只係用抽新股的心態去認購,其實沒有問題,因為只是碰碰運氣。不過,問題係妳能夠認購多少!」

「那倒不如試吓用孖展抽啦!」Lucy過去未曾試過用孖展形式去認購新股,米蘭站成為她的第一次。

結果,Lucy用了1萬元本錢,向經紀行借了99萬,合共100萬左右去抽米蘭站。結果,上周五出了抽簽結果之後,又打電話來吐苦水。

「森哥,真係得啖笑,我用咗成百萬去抽米蘭站,結果只得一手2,000股咁大把!我呢次會唔會蝕本呀?」

「妳咪算好彩囉,如果妳認購再少一啲,又抽唔到既話,咁就真係偷雞唔到蝕渣米嘞!好彩今次妳的孖展息好低,我幫妳計過,只要股價升三成左右,應該可以封蝕本門。以今次既認購反應睇,上市之後也應該會炒得勁,照計升三成應該冇問題啩!」

「唉,咁都好啲,我以前未試過借咁多錢去買股票架!」



「Lucy小姐,總結一句,呢次米蘭站上市,妳就當係一次經驗,又或者一場遊戲啦!」

「森哥,我有一點唔明白,如果明知反應咁好,點解佢唔賣貴啲,俾上市公司集多啲錢啫?」

「Lucy,妳對股票似乎都有啲慧根喎!其實,超額咁多倍,又或者上市之後股價急升六、七成,甚至一個開既股票,肯定係定價有問題啦!因為公司上市之後既升幅,主要係二手股東賺,上市公司無法落袋。當然,如果二手股東賺唔到錢,又好難叫人買佢啲股票,所以,最好既情況係,上市公司能夠集到最多資金,而二手股東又有錢賺啦!因此,股票定價其實係一門學問呀!」


作者電郵:lkslo@yahoo.com

Source : Money Times



聲明:
上述資料只應作為個人投資風險程度的分析及指引,不應作為 投資結論。
以上資料僅供參考之用,投資選擇過去的業績並不代表將來表現。
由於投資組合頗多元化,加上匯率及利率浮動,投資選擇單位 及收益回報可升亦可跌。






More on Financial Tips...

Currently have 0 comments:

Leave a Reply

Post a Comment